2018 оны 5 дугаар сарын сүүлийн арав хоногт ХАА-н үйлдвэрлэлд цаг агаарын байдал хэрхэн нөлөөлсөн тухай тойм

Агаарын температур: Агаарын дундаж температур энэ арав хоногт  Тариат,  Хангай,  Цахир, ӨндөрУлаан ,Булган  сумдын нутгаар 9,4-13,4 градус ,  бусад сумдын нутгаар 13,5 – 17,0 градус дулаан байв. Агаарт өдөртөө  Эрдэнэмандал, Төвшрүүлэх, Батцэнгэл, Хашаат, Өлзийт, Өгийнуур, Хотонт, Хайрхан сумдын нутгаар 29,0 - 33,0 градус, бусад сумдын нутгаар 23,0 – 28,0 градус   дулаан байлаа.   Агаарт шөнөдөө  Хангай сумын нутгаар -10,0   градус ,  бусад сумдын нутгаар 3,0-8,0  градус хүйтэн байв.  Агаарт 30 градусаас дээш дулаарсан өдөр Эрдэнэмандал, Батцэнгэл, Хашаат, Өлзийт, Өгийнуур, Хайрхан, Хотонт сумдын нутгаар 1 – 3 өдөр ажиглагдсан байна.

Хөрсний гадаргын температур: Хөрсний  гадаргын  дундаж  температур  энэ арав хоногт Батцэнгэл, Хашаат, Өгийнуур, Өлзийт, Жаргалант сумдын нутгаар 26,0 - 29,0 градус, бусад сумдын нутгаар 17,0 - 23,0 градус  дулаан байлаа.  Хөрсний гадарга дээр  өдөртөө Батцэнгэл, Хашаат, Жаргалант, Өлзийт, Хотонт, Өгийнуур  сумдын нутгаар 60,0 -64,0  градус, бусад сумдын нутгаар 55,0 – 58,0 градус дулаан  байв. Хөрсний гадарга дээр шөнөдөө  Тариат, ӨндөрУлаан  сумдын нутгаар 10,0 градус, бусад сумдын нутгаар 4,0-7,0 градус хүйтэн байлаа. Хөрсний  гадарга дээр 40 градусаас дээш дулаарсан өдөр бүх сумдын нутгаар 7 - 11өдөр  ажиглагдсан байна.

 Хур тунадас: Энэ арав хоногт  Эрдэнэбулган, Тариат, Цэцэрлэг, Төвшрүүлэх, Жаргалант, Хотонт 1-2  удаа хур тунадас  орж ,  0,0 – 1,4  мм тунадас  унасан  байна. Хамгийн их тунадас Жаргалант сумын нутгаар  1,4  мм,  Тариат, Цэцэрлэг сумдын нутгаар  хамгийн бага тунадас  0,0 мм  унасан байна.  Бусад сумдын нутгаар хур тунадас ороогүй байна.

Салхи: Энэ  арав  хоногт  аймгийн  нийт нутгаар  салхины хамгийн их хурд секундэт 9-24 метр хүртэл  ширүүссэн бөгөөд   хамгийн  их хурд нь   Эрдэнэмандал, Эрдэнэбулган, Цэцэрлэг сумдын  нутгаар секундэт  16 -24  метр хүрч ширүүсэн аюулын хэмжээнд хүрсэн байна. Хангай сумын нутгаар секундэт  9  метр , бусад сумдын нутгаар  секундэт 10-14   метр хүрсэн  байна. 10 м/с дээш салхитай  өдөр  Тариат, Эрдэнэмандал, Эрдэнэбулган, Өгийнуур сумдын нутгаар 6-9  өдөр, бусад сумдын нутгаар 1-5  өдөр   ажиглагдсан байв.

 Ургамал бүрхүүл:Энэ   арав хоногийн мэдээгээр аймгийн нийт нутгаар  бэлчээрийн ургамлын  ургалтын байдал 70 гаруй хувь нь дунд, 30 орчим хувь  нь муу байна. Ургамлын өндөр 2 - 5 см байлаа. Эрдэнэбулган суманд ургац 0,2 ц/га байна.

Бэлчээрийн хөнөөлт хортон шавьж,мэрэгчид: Энэ арав хоногт аймгийн нийм нутгаар  1м² талбайд 1-3 ширхэг бэлчээрийн хортон  царцаа  ажиглагдсан  байна.

ХАА-н үйлдвэрлэлд цаг агаарын нөлөөлөл :МАА-н үйлдвэрлэлд  мал оторлох, бод,мал төллөх, хөөвөр хялгах авах зэрэг  ажлууд явагдаж байна.Малын усан хангамж  Хангай,  Цахир,   ӨндөрУлаан, Эрдэнэбулган , Жаргалант, Чулуут сумдын  нутгаар сайн,  бусад сумдын нутгаар  дунд байна.  Энэ арав хоногт салхи шуурга ихтэй  байгаа нь  малын бэлчээрлэлт, хаваржилтанд таагүй нөлөөлж байна.  

                                    ХААЦУ-ын инженер Н.Галдигмаа